Lienert Friedrich
| Dialäkt: Baseldütsch |
Dr Lienert Friedrich (* 17. Februar 1852 z Baasel, † 7. August 1918 z Baasel) isch e Baasler Archidekt in dr Belle Époque gsi.
Lääbe
ändereDr Friedrich isch 1852 as Soon vom Baumäister Lienert Friedrich-Hug z Baasel uf d Wält khoo. 1870 bis 1873 het er am köönigliche Polytechnikum z Stuttgart studiert. 1874 het er e zwäijöörigs Braktikum bi J. Mylius und F. Bluntschli z Frankfurt gmacht und isch Baufüerer am freiherrlige Schloss vo de von Stumm im hessische Holzhuuse worde. 1877/78 het er e Studieräis uf Italie gmacht und het denn e Zitli im Büro vom H. Dubois z Bariis gschafft. Zrugg z Baasel het er 1881 e Baugschäft an dr Dalbeaalaag 36 ufdoo. 1895 het er mit em Mooler Emil Beurmann (1862-1951) e Räis uf Egüpte gmacht und zwäi Joor spööter mit em Beurmann und em Münchner Brofässer Friedrich von Thiersch (1852-1921) uf Spanie und Tanger.
1918 isch dr Lienert Friedrich z Baasel gstorbe.
Dr Lienert Friedrich isch dr Brueder vom Rudolf Friedrich, wo au Archidekt gsi isch.
Bauwärk
ändere
- 1879 e Willa an dr Dalbeaalaag 36, wo sithär abgrisse worde isch
- 1884 e Willa am Neusatzwäg 3 (jetz BethesdaSpital)
- 1893/94 d Zumft zu Husgnosse an dr Freije Strooss
- 1896 Willene an dr Angestäinerstrooss 21 und 23
- 1897 e Willa an dr Kapällestrooss 29, wo mä abbroche het
- 1899/1900 e Willa an dr Middlere Strooss 5, wo s nüme git
- 1903/04 Ängelgass 103-109
- 1904 s Gschäftshuus «Zum Kempfe» an dr Freie Strooss 69
Kwelle
ändere- Biographische Angaben über die Architekten (Site cha nüme abgrüeft wärde; Suche im Webarchiv) , abgrüeft am 6. Januar 2015
- Schweizerische Bauzeitung Smith, Elder and Company, 1918, S. 75 (digital)
Litratuur
ändere- Leonhard Friedrich, Architekt, Basler Heimatschutz, 1992