Hoolspiegel
E Hoolspiegel isch e Spiegel, wo konkav gwölbt isch (Konkavspiegel). Hoolspiegel wärde vor allem in dr Form vom ene Chuugeleusschnitt („sfäärische“ Spiegel) und in dr Form vo Rotationsparaboloid (Parabolspiegel) verwändet.
![](http://upload.wikimedia.org/wikipedia/commons/thumb/9/96/Strahlengang_in_einem_Hohlspiegel.jpg/250px-Strahlengang_in_einem_Hohlspiegel.jpg)
D Hauptvariante
ändereAnalog zu sfärische und asfärische Sammellinse git s au bi Hoolspiegel zwäi Forme. Dr Parabolspiegel isch düürer, het aber dr Vordäil, ass die sfärischo Aberrazion witgehend underdruckt wird.
Parabolspiegel
ändereNume bim Parabolspiegel wärde alli Liechtstraale, wo parallel zur optische Aggse iifalle, exakt im Brennpunkt bündlet. D Parabolform isch aber in dr Häärstellig e chli ufwändiger as die sfärischi Form.
Sphärische Hoolspiegel
ändereFür chliini Chrümmigswinkel chan e Spiegel in dr Form von ere Chuugeleflechi fast s gliiche Resultat gee wie e Parabolspiegel, und das guet gnueg für e Hufe Aawändige. Es isch seer vil äifacher e sfärische Spiegel z mache as e Parabolspiegel und dorum au billiger.
Die optischi Äigeschaft vom Hoolspiegel wird bestimmt dur e Radius vo dr Chuugele, won er e Wandsegmänt von ere isch. Wemm mä in s Zentrum vo dr Chuugele e punktförmigi Liechtkwelle stellt, so reflektiert dr Spiegel s Liecht vo dr Kwelle wiider uf d Kwelle zrugg. Wenn d Liechtstraale parallel us em Unändlige chämme, denn reflektiert dr Spiegel si zum Fokus (Brennpunkt). Dä lit öbbe uf halbem Wääg zwüschen em Zentrum und em Spiegel. D Brennwiti vom ene Hoolspiegel isch also d Helfti vo sim Kräisradius. Allerdings chömme d Liechtstraale wägen dr sfärische Aberrazion nid alli genau im Brennpunkt aa: D Liechtstraale bilde in dr Nööchi vom Fokus e Figur, wom mä nere Katakaustik säit. Bim Parabolspiegel bassiert das nid.
Aawändig
ändereHoolspiegel wärde under anderem as Hauptspiegel in Spiegelteleskop, in optische Spektrometer und Monochromatore iigsetzt und as Rasierspiegel brucht. Au d Satelliteschüssel für e Färnseeempfang oder Radarantenne funkzioniere noch em gliiche Brinzip, allerdings für Radiowälle, wo mit em Liecht nooch verwandt si.
Weblingg
ändereDä Artikel basiert uff ere fräie Übersetzig vum Artikel „Hohlspiegel“ vu de dütsche Wikipedia. E Liste vu de Autore un Versione isch do z finde. |