S Huus zum Gäist an dr Dalbe-Vorstadt
Koordinate: 47° 33′ 17,1″ N, 7° 35′ 45,2″ O; CH1903: 611838 / 267126
![](http://upload.wikimedia.org/wikipedia/commons/thumb/7/7d/Haus_zum_Geist_Basel.jpg/220px-Haus_zum_Geist_Basel.jpg)
Dialäkt: Baaseldütsch |
S Huus «zum Gäist» isch e historischs Geböid im Baasler Dalbekwardier. Es gältet as e Baasler Kulturguet, wo für d Regioon vo Bedütig isch.
S Huus «zum Gäist» stoot an dr Dalbe-Vorstadt 17. Scho im Middelalter si dört Hüüser gstande. Dr Archidekt Emanuel La Roche het zämme mit em Stäächeli vier Hüüser us em spoote Middelalter zum ene Geböid im ene äihäitlige barocke Stiil zämmegfasst. Es het drei Stöck und über em middlere Iigang en Erker mit Verzierige draa. Uf em Dach het s Mansardefänster.