Harold Haefner
Dr Harold Haefner (* 21. Novämber 1933 in Tääinge; † 10. Oktober 2022[1]) isch e Schwyzer Brofässer fir Geografy an dr Uniwersitet Züri gsii.
![](http://upload.wikimedia.org/wikipedia/commons/thumb/a/ae/Harold_Haefner.jpg/220px-Harold_Haefner.jpg)
Lääbe un Wärch
ändereDr Harold Haefner isch im Schaffuuser Dorf Tääinge as Suhn vum Lehrer Harold Haefner un dr Marie geb. Baumberger uf d Wält chuu. Vu 1956 bis 1963 het er an dr Uniwersitet Züri Geografy studiert. Anne 1963 het er syni Dissertazion iber d Luftbildinterpretazion im Hochgebirg gschribe un 1969 sy Habilitazion zur Kulturlandschaft vu dr Sierra Nevada (USA.
Är het zerscht as Assischtänzbrofässer, ab 1972 as usserordelige Brofässer, un vu 1980 bis 2000 as ordelige Brofässer fir Geografy an dr Uniwersitet Züri mit dr Schwärpinkt Färnerkundig un natyrligi Ressource gschafft. Är het Methode zum Uuswärte vu Luft- un Satellitenbilder entwickelt un Aawändige in dr Beraich Schneehydrology, Vegetazion, Ressource-Management, Landnutzig, Landschaftsekology un Entwickligsländerforschig. Gforscht het er unter anderem z Indie, z Sri Lanka, im Jemen un an dr Weschtkischter vu dr USA. Anne 1986 het er d «Remote Sensing Laboratories», e Abdailig fir Färnerkundig, an dr Uniwersitet Züri grindet.[2] Derzue isch er vu 1996 bis 1998 Dekan vu dr mathematisch-naturwisseschaftlige Fakultet gsii.
Anne 1988 isch dr Harold Haefner Mitglid vu dr neig rindetet Academia Europaea wore.[3] Är isch Ehremitglid vu dr Geografisch-Ethnografische Gsellschaft Züri gsii.[4]
Dr Harold Haefner isch ghyrote gsii mit dr Urte Sierck, het vier Chinder ghaa un het uf dr Forch gläbt. Är isch im Oktober 2022 im Alter vu 88 Johr gstorbe.
Literatur
ändere- Klaus I. Itten: Zur Emeritierung von Prof. Dr. Harold Haefner. In: GeoAgenda. Nr. 8, 2001.
- Urban Schertenleib: Harold Haefner. In: Historisches Lexikon vo dr Schwiiz.
Weblink
ändere- Literatur vu un iber Harold Haefner im Katalog vu dr Dütsche Nazionalbibliothek
- Harold Haefner in WorldCat
Fueßnote
ändere- ↑ Prof. Harold Haefner (1933–2022). In: Universität Zürich, 21. Oktober 2022.
- ↑ Former Professors: Harold Haefner. In: Universität Zürich. Abgruefen am 23. Oktober 2022 (änglisch).
- ↑ Harold Haefner. Academia Europaea, abgruefen am 23. Oktober 2022 (änglisch).
- ↑ Ehrenmitglieder. In: Geographie Alumni UZH. 8. April 2020, abgruefen am 23. Oktober 2022.
Dä Artikel basiert uff ere fräie Übersetzig vu >&oldid=227297975 dere Version vum Artikel „[[:de:Harold_Haefne>|Harold_Haefne>]]“ vu de dütsche Wikipedia. E Liste vu de Autore un Versione isch >&action=history do z finde. |