Hülfteschanz
Dialäkt: Baseldütsch |
D Hülfteschanz isch dr Name vom ene Gländ z Fränkedorf, Kanton Basel-Landschaft.
![](http://upload.wikimedia.org/wikipedia/commons/thumb/8/8d/Disteli_Hulftenschanz.jpg/220px-Disteli_Hulftenschanz.jpg)
![](http://upload.wikimedia.org/wikipedia/commons/thumb/f/f7/Hulftendenkmal.jpg/220px-Hulftendenkmal.jpg)
D Schlacht vo 1833
ändereDr Ort isch bekannt worde, wil in dr Nöchi, bi dr Fränkedörfler Griengruebe, am 3. August 1833 im Zämmehang mit dr Basler Kantonsdrennig Drubbe us dr Landschaft stedtischi Drubbe entscheidend gschlage hai.
D Fäldschanze in dr Hülfte isch zerst vo de Stadtbasler ohni Widerstand bsetzt worde, nochdäm sich d Baselbieter vo dört zruggzooge hai, wil si erwartet hai, ass d Basler Lieschdel über Braddele‐Erli‐Fränkedorf wurde aagriffe. Die stedtische Stänzler under em Oberstlütnant Johannes Burckhardt hai in dr Schanze uf s Milizbattaillon gwartet, wo se hätt sötte understütze aber nid noochgruckt isch. D Baselbieter Ardillerii under em Hauptmä Martin Begle isch über dr Hülfteschanz mit zwei 4pfünder Kanone stationiert gsi und het d Basler afo bombardiere. Die hai zrugggschosse und es het sich en Ardilleriigfächt afo entwickle. D Baselbieter hai Versterkig überchoo, d Basler Stänzler si aber in dr Griengruebe elei gloo worde. Ihre Underlütnand Friedrich Hindelang und e Hufe Stänzler si vo Kardätsche droffe worden und umchoo. Au dr Burckhardt het s verwütscht und dr Aagriff vo de Basler uf d Griengruebe isch abgwehrt gsi und si hai sich afo zruggzieh. D Basler Miliz het s mit dr Angst überchoo und het afo flüchte und d Stänzler, wo scho müed gsi si vom Gfächt in dr Griengruebe, hai müesse ihre Rückzug decke.
S Dänkmol
ändereS Hülftedänkmol, en Obelisk us rotem Sandstei, isch 1836 bi dr Griengruebe, nördlig vom Friidhof Egg ufgstellt worde. Es erinneret an dr Kampf vo de Landschäftler für ihri Unabhängigkeit.
Am Dänkmol het s au en Inschrift, wo an dr Obergrichtsschriiber Heinrich Hug us Dalwiil maanet, wo im Alter vo fast drissig in dr Schlacht gfallen isch. Dr Landroot vom neue Kanton Baselland het en postum zum ersten Ehrebürger vom Kanton ernennt.
Litratur
ändere- Emil Zschokke: Erinnerungen an den im Kampfe der Basel-Landschaft am 3. August 1833 gefallenen Dr. Heinrich Hug von Zürich. Liestal: Banga und Honegger, 1834.
Weblinks
ändereKoordinate: 47° 30′ 46,52″ N, 7° 42′ 56,31″ O; CH1903: 620868 / 262501