Basilika Saint-Denis
D Basilika Saint-Denis isch en ehemoligi Abteichille in dr Stadt Saint-Denis nördlig vo Paris. Si het sit 1966 dr Status von ere Kathedrale und isch sit em Ändi vom 10. Johrhundert, gnauer sit em Hugo Capet, d Grabstett vo fast alle französische König und au vo vile Königinne. D Chille het grossi kunsthistorischi Bedütig, wil in ihrem Chor, wo 1136 agfange worden isch, die erste Spitzrippegwölb baut worde si, so dass d Chille vo St. Denis as Wiege vo dr Gotik tuet gälte.
![](http://upload.wikimedia.org/wikipedia/commons/thumb/4/49/Basilique_St_Denis_fa%C3%A7ade_ouest_St_Denis_Seine_St_Denis_20.jpg/310px-Basilique_St_Denis_fa%C3%A7ade_ouest_St_Denis_Seine_St_Denis_20.jpg)
Si isch em heilige Dionysius, em Schutzpatron und erste Bischof vo Paris, gweiht. Noch dr Legände siig dä in dr Ziit vo de Christeverfolgige um s Johr 249 uf em Montmartre gchöpft worde, haig drno si Chopf ufglüpft und siig wiiter gloffe, bis er zämmebroche siig, und an däm Blatz haig men en begrabe und spöter d Chille baut.
Weblink
ändereKoordinate: 48° 56′ 7,6″ N, 2° 21′ 34,8″ O