Land Bade
Bade, wo bis zum 2. Dezember 1946 offiziell Südbade gheisse het, isch es Land gsi, wo nach em Zweite Wältchrieg innerhalb vo den französische Besatzigszone us em südliche Teil vom vorherige Land Bade entschtande-n-isch. Bi de Gründig vo de Bundesrepublik Dütschland isch Bade eis vo de Länder vo de Bundesrepublik worde. Mit de Bildig vom Südweschtstaat Bade-Württebärg het Bade sini Selbschtändigkeit verlore. In de Form vom Regiirigsbezirk Südbade sind d Gränze aber bis zum 31. Dezember 1972 erhalte blibe.
| Land Südbade Land Bade | |||
|---|---|---|---|
|
|
| ||
| |||
| Basisdate | |||
| Schbrooch: | Alemannisch | ||
| Landeshauptstadt: | Friburg im Briisgau | ||
| Flechi: | 9.646 km² | ||
| Gründig: | 1. Dezember 1945 | ||
| Bevölkerig | |||
| Iiwohnerzahl: | 1.300.000 | ||
| Wirtschaft | |||
| Politik | |||
| Letschti Wahl: | 18. Mai 1947 | ||
| Stimme im Bundesrat: | 3 | ||
Gschicht
ändereNach em zweite Wältchrieg hei d Franzose und Amerikaner de Süde und Weschte vo Dütschland bsetzt. Bade isch doderbi teilt worde, bsunders wil d Amerikane d Autobahn von Karlsrue über Schtueget uf Ulm hei welle kontroliire. Alli damalige Landchreis, durch di d Autobahn gführt het, hei zu de amerikanische Bsatzigszone ghört, die südlicher glägene zu de französische. Am 1. Dezember 1945 isch Friburg d Hauptschtadt worde und bi ere Volksabstimmig am 22. Mai 1947 het d Bevölkerig d Verfassig aagnoh. In dere Verfassig isch au klar zum Usdruck cho, dass sich s Land Südbade, wo sich ab em 1946i Bade gnennt het, in de Rechtsnachfolg vom alte Land Bade gseht. Im 22. Mai 1949 het de Badisch Landtag di noi Verfassig vo de Bundesrepublik Dütschland aagnoh und isch ein Tag schpöter mit de Gründig vo de Bundesrepublik Dütschland eis Land vo dem noie Schtaat worde.
Politik
ändereOffizielli Symbol
ändere-
D Landesflagge -
S Banner vom Schtaatspräsident -
De Kfz-Schtander vom Schtaatspräsident
.svg)
Regiirige
ändere- 1945–1946: Direktorium mit wechselnde Vorsitzende
- 1946–1947: Schtaatssekretariat unterm Leo Wohleb (BCSV)
Nach de 1. Wahl vo 1947i:
- 1947–1948 Koalition vo de BCSV und de SPB unterm Leo Wohleb
- 1948–1959 CDU-Regierig unterm Leo Wohleb
- 1949–1952 CDU-Regierig unterm Leo Wohleb
Landtag vo Bade
ändereDe Landtag isch numme einisch gwählt worde und zwar im 1947i. Doderbi het di früheri BCSV, wo mit em Name CDU Baden jetzt zu de CDU ghört het, di absoluti Mehrheit vo de Schtimme übercho.
- Stimmeaateil vo de Parteie
| Wahltag | Wahlbeteiligung | CDU1 | SPD | FDP2 | KPD |
|---|---|---|---|---|---|
| 18. Mai 1947 | 72,2 % | 55,9 % | 22,4 % | 14,3 % | 7,4 % |
1 CDU: BCSV
2 FDP: DemP