FC Mulhouse

FC Mulhouse
	FC Mulhouse
Ganze Name	Football Club de Mulhouse
Spitzname	FCM
Gründet	1893
Stadion	Stade de l'Ill
Plätz	11 300
Präsident	Alain Dreyfus
Trainer	Hakim Aibeche
Liga	Championnat de France Amateurs
Heim	Uuswärts

E aglüegti Version vo derre Site, wo am 22. Novämber 2015 freige worre isch, basiert uff derre Version.

Dialäkt: Elsàssisch

Dr FCM (Football Club de Mulhouse) ìsch dr Füeßballverein vu Milhüüsa, ìm Elsàss. Grìnda ànna 1893, ar ìsch dr zweit eltschta Füeßbàllclub ìm Frànkrìch.

Gschìcht

D Mànnschàft ànna 1894

Dr Verein ìsch ànna 1893 vu zwei anglischa Studanta vu dr Milhüüser Chemieschüel grìnda worra. Ìn dàra Zitt ìsch s Elsàss ditsch gsìì; dr Verein hàt àlso „Fußball Club von Mülhausen“ (FCM) gheißa. Si erschta Präsidant ìsch dr Émile Reis gsìì.

Ànna 1901 sìn Füeßbàller vum Club „Young Boys Mülhausen“ derzue kumma.

Speeter (vermüetlig um 1906) hàt dr FCM hàt ìm „Stade Vélodrome“ vu Milhüsa fànga à spìela. Vu 1910 bis 1938 ìsch dr Joachim Bloch dr Präsidant wum Verein gsìì.

D Gschìcht vum Verein ìsch nàtiirlig mìt dr Gschìcht vum Elsàss verbunda. Ànna 1918, àm And vum erschta Wàltkrieg, ìsch'r a frànzeescha Mànnschàft worra. Gliichzittig hàt'r FCM ìn dr Stade vu Bourtzwiller gwàndelt.

Ìm Johr 1932-33 hàt dr FCM àm erschta „Championnat de France D1“ Teil gnumma. Do hàt'r d 10. Plàtz erriicht.

Wahrend em zweita Waltkriag, wo dr FCM wìder a ditscher Nàmma, „FC Mülhausen 1893“, ghàà hàt, hàt'r ìn dr ditscha „Gauliga Elsass“ mìtgspìelt. Ar ìsch drèi Mol Meischter worra: ànna 1940-41, 1942-43 un 1943-44. Ìm Johr 1944-45 hàt'r ìn dr „Gauliga Elsass“ nìt mìtgmàcht, waga da Befrèiungskampfa.

Zitter 1979 spìelt dr FCM ìm Stade de l'Ill. Vu da Johra 1970. bis àm And vu da Johra 1990. hàt dr FCM a zìmlig güeta Kàrriar gmàcht, d meischta Zitt ìn dr 2. Division.

Àm 20. Mai 1999 hàt àwer dr FCM, üs ekonomischa Grìnda, si Profistàtus verlora. Zitterhar ìsch'r ìn CFA (Championnat de France Amateur) blìewa.

1/32 Finàl Milhüüsa - Caen, ànna 2005

Zittàchsa
Dàtum	Profi	Meischetrschàft	Pokàl (beschta Platz)
1919 - 1932		DH	1928: ½ Finàl
1932 - 1933	X	1. Division
1933 - 1934	X	2. Division
1934 - 1937	X	1. Division
1937 - 1939	X	2. Division
1939 - 1944		Gauliga Elsass
1944 - 1945		àm Meischterschàft nìt mìtgmàcht
1945 - 1946	X	2. Division
1946 - 1948	X	DH Elsàss (~3. Division)
1948 - 1970		CFA (~3. Division)	1969: ¼ Finàl
1970 - 1976		2. Division
1976 - 1978		3. Division
1978 - 1980		2. Division
1980 - 1981		3. Division
1981 - 1982	X	2. Division
1982 - 1983	X	1. Division
1983 - 1989	X	2. Division	1984: ¼ Finàl
1989 - 1990	X	1. Division
1990 - 1998	X	2. Division	1995: ¼ Finàl 1998: ¼ Finàl
1998 - 1999	X	Nàtionàl (~3. Division)
1999 - 2004		CFA (~4. Division)
2004 - 2005		CFA2 (~5. Division)
Zitter 2005		CFA