Melissa Joan Hart

D'Melissa Joan Hart esch am 18. April 1976 in Smithtown, New York aus erschti Tochter vode Paula ond em William Hart gebore worde. Chorz noch de Gebort esch die chli Familie noch Sayville zöglet. De Melissa ere vou Name lutet öbrigends Melissa Joan Catherina Hart.

Eri erscht rolle hed d'Melissa met vieri gah! Sie hed imene Wärbespot för es Bäbi metgschpöut. Rechtig bekannt esch sie denn aber em Johr 1990 worde wo sie d'Houptrolle i de Comedyserie "Clarissa, explains it all" öbercho hed. Wer sie bes denn no ned könnt hed, hed sie denn secher em Johr 1996 könnt! Denn hed d'Melissa nämlech en zouberhafti Rolle i de Comedyserie "Sabrina, total verhext!" öbercho. Sie hed dete vo 1996 bis 2003 d'Sabrina Spellman gschpöut.

Em Privatläbe esch bi de Melissa de ou einiges gange. Sie hed 2003 ere Frönd de Mark Wilkerson ghürote ond afangs 2006 hend die beide eres erschte Chend öbercho, de Mason Walter.