Simon Ammann
Dr Simon Ammann (* 25. Juni 1981 z Grabs) isch e Schwiizer Skispringer. Dr Ammann isch z Underwasser im Kanton Sanggalle ufgwachse und uf d Schuel gange. Er wohnt sit 2008 mit siiner Frau z Schindellegi im Kanton Schwyz.
Siini grössten Erfolg het dr Ammann bi de Olympische Winterspiil 2002 z Salt Lake City und bi de Olympische Winterspiil 2010 z Vancouver gfiirt, won er uf dr Normal- und au uf dr Grossschanze gwunne het. Sit vile Johr ghört dr Ammann immer zur Wältspitze. Mit vier Goldmedaille isch er dr erfolgriichsti schwiizerischi Winterolympionik und dr erfolgriichsti Skispringer bi olympische Einzelwettbewärb. In dr Saison 2009/10 het er dr Gsamtwältcup gwunne.
| Persoonedaate | |
|---|---|
| NAME: | Ammann, Simon |
| ALTERNATIVNAMEN: | |
| KURZBESCHREIBUNG: | Schweizer Skispringer |
| GEBURTSDATUM: | 25. Juni 1981 |
| GEBURTSORT: | Grabs, Schweiz |
| STERBEDATUM: | |
| STERBEORT: | |