Melanie Faißt
D Melanie Faißt (* 12. Februar 1990 z Ditisee-Neistadt, Bade-Wirttebärg) isch e ehmoligi dytschi Skigumperi.
Melanie Faißt 
| ||||||||||||||||||||||
Melanie Faisst (2013) | ||||||||||||||||||||||
| Nation |  Dytschland
| |||||||||||||||||||||
| Geburtstag | 12. Februar 1990 | |||||||||||||||||||||
| Geburtsort | Ditisee-Neistadt, Dytschland | |||||||||||||||||||||
| Größi | 171 cm | |||||||||||||||||||||
| Karriere | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Verein | SV Baiersbronn | |||||||||||||||||||||
| Pers. Beschtwiti | 138 m (Titisee-N. 2009) | |||||||||||||||||||||
| Status | zruckträtte | |||||||||||||||||||||
| Karriereänd | 2013 | |||||||||||||||||||||
| Medaillespiegel | ||||||||||||||||||||||
| ||||||||||||||||||||||
| ||||||||||||||||||||||
| Skisprung-Weltcup / A-Klasse-Springe | ||||||||||||||||||||||
| Debüt im Wältcup | 3. Dezember 2011 | |||||||||||||||||||||
| Gsamtwältcup | 8. (2011/12) | |||||||||||||||||||||
| ||||||||||||||||||||||
| Skisprung-Grand-Prix | ||||||||||||||||||||||
| Gsamtwärtig Grand Prix | 30. (2013) | |||||||||||||||||||||
| Skisprung-Continental-Cup (COC) | ||||||||||||||||||||||
| Debüt im COC | 8. Februar 2005 | |||||||||||||||||||||
| Gsamtwärtig COC | 4. (2010/2011) | |||||||||||||||||||||
| ||||||||||||||||||||||
Karriere
D Melanie Faißt isch as Dochter vun Klaus Faißt, as Nordische Kombinierer Dailnämer im Wältcup, un dr Andrea Faißt, Langlaiferi un Fueßballeri, z Ditisee-Neistadt uf d Wält chuu. Ire drei Johr jingere Brueder Manuel Faißt isch Nordische Kombinierer.[1] D Familie het aafangs z Furtwange gläbt un isch noch e baar Johr uf Baierschbronn zoge.
Si het im Alter vu sibe Johr mit em Skigumpe aagfange. In dr Saison 2003/2004 het si zum erschte Mol bi FIS-Ränne mitgmacht, wu si uf e Blatz im Mittelfäld chuu isch. D Athleti isch 2005 im Alter vu 15 Johr Dytschi Maischteri wore. In dr Saison 2005/2006 isch si zum erschte Mol unter dr beschte Zeh bi Wettkämpf Continental Cup (COC) chuu, dr dodmol hegschte Wettkampfklass im Fraue-Skigumpe. Am 11. Augscht 2005 isch si z Pöhla as beschti dytschi Athleti uf dr sibt Blatz chuu. Bim Wettkampf druf z Meinerzhagen am 14. Augschte 2005 isch si Segsti wore. Die guete Resultat hän dr Faißt dr sibt Gsamtrang in dr FIS-Ladies-Tournee gsicheret, ere Wettkampfserie, wu ähnlig wie d Vierschanzentournee an vier Ort z Dytschland un z Eschtrych uusdrait wird. In dr Gsamtwärtig vum Continental Cup isch si am Änd vu dr Saison uf em 20. Blatz gläge.
Bi ire erschte Juniorewältmaischterschaft 2006 im slowenische Kranj isch si uf dr elft Blatz chuu. Ai Johr speter ischb si im italienische Tarvisi uf dr acht Rang chuu. Am 23. Jänner 2008 isch d Faißt bim COC-Gumpe z Toblach mit Blatz vier uf s bis zue däm Zytpunkt bescht Ergebnis vu ire Karriere gumpt. Bi dr Juniorewältmaischterschaft 2008 im polnische Zakopane het si as Vierti grad eso iri erscht internazional Medaille verbasst. Bi dr Dytsche Maischterschaft im Augschte 2008 z Oberhof het si zäme mit ire Verainskamradi Magdalena Schnurr Gold im Teamwettbewärb gwunne. Bi dr COC-Summergumpe 2009 het si am 12. Augschte z Pöhla mit Blatz zwai zum erschte Mol en Podestblatz gwunne. Zwee Däg speter isch si z Oberwiesenthal Dritti wore.
Iri persenli Beschtwyti vu 138 Meter het d Faißt im Winter 2009 z Ditisee-Neistadt ufgstellt, wu s as Vorgumperi bim Manne-Continental Cup an Start gangen isch. Si isch do aber mit dytli mee Aalauf gumot. Bi ire vierte Juniorewältmaischterschaft 2010 z Hinterzarte isch si uf dr elft Blatz chuu.
In dr Saison 2010/11 het si d Faißt im B-Kader vum Dytsche Skiverband (DSV) zur beschte dytsche Skigumperi entwickelt: Bim Continental Cup am 8. Jänner 2011 isch si uf dr umböute Langewaldschanze zn Schonach im Schwarzwald uf Rang drei gumpt. Um des Zyt het si as Einzigi im DSV-Kader scho s Ticket fir di Nordische Skiwältmaischterschafte 2011 in dr norwegische Hauptstadt Oslo in dr Däsche ghaa.[1] Dert het si si mit em 9. Blatz im Ainzelgumpe uf dr Normalschanze as beschti dytschi Dailnämeri chenne blatziere.[2]
In dr Saison 2011/12 isch dr Skigump-Wältcup zum erschte Mol au fir Fraue uusdrait wore. Bim Uftaktgumpe z Lillehammer het d Faißt dr 3. Blatz gschafft.[3] Im Saisonverlauf isch si ne baar Mol uf di vordere Blätz chuu, wänn au kai Mol me uf s Podium. Am Änd vu dr Saison isch si im Wältcup uf Blatz 8 gläge.
Im Summer 2012 het d Faißt e Formruggstand gegeniber ire Teamkollegene ghaa. E Operazion am Innemeniskus im April un acht Wuche Grunduusbildig bi dr Bundeswehr hän si us em Rhythmus brocht ghaa. Derzue isch si zwaimol bin Training z Oberstdorf gheit, was ere s Verdröue in ire Flugchenne gnuu het.[4] Wäge däm het si uf dr Summer-Grand-Prix verzichtet.
Im Skigump-Wältcup 2012/13 het si nit an iri Laischtige us em Vorjohr chenne aachnipfe. Am Änd vum Wältcup isch si uf em 25. Blatz gsii, ire bescht Ainzelresultat isch Blatz 14 gsii. Au im Summer-Grand-Prix 2013 isch si nume im Mittelfäld gumpt.
D Faißt het si d Qualifikazion fir di Olympische Winterspiil 2014 z Sotschi zum Zyl gsetzt. Wu si die dur mäßigi Laischtige in dr Saison 2013/14 verbasst ghaa het, het si am 16. Jänner 2014 ire Ruggdritt verchindet.[5]
Uusbildig
D Melanie Faißt het as Schueleri vum Skiinternat Furtwange anne 2009 am Wirtschaftsgimnasium vu dr Robert-Gerwig-Schuel z Furtwange ire Abitur gmacht.[6] Noch eme Johrespraktikum z Baiersbronn[7] het si im Oktober 2010 e Bachelorstudium in Hailpedagogik an dr Kadolische Hochschuel Fryburg aagfange.[8] Zum Zytpunkt vu dr Winter-Universiade 2013 isch si Lehramtsstudänti an dr Pedagogische Hochschuel Waegaade gsii.[9]
No irem Karriereänd as Skisportleri het si ne Lehr zur Ainzelhandelschauffrau bi dr Firma Hinker z Baiersbronn gmacht, derno het si bi dr Firma Hagner z Hallwange im Verdrib aafange schaffe.[10]
Statischtik
Wältcup-Blatzierige
| Saison | Blatz | Pinkt |
|---|---|---|
| 2011/12 | 8. | 409 |
| 2012/13 | 25. | 111 |
Grand-Prix-Blatzierige
| Saison | Blatz | Pinkt |
|---|---|---|
| 2013 | 30. | 50 |
Continental-Cup-Blatzierige
| Saison | Blatz | Pinkt |
|---|---|---|
| 2004/05 | 38. | 18 |
| 2005/06 | 20. | 215 |
| 2006/07 | 32. | 144 |
| 2007/08 | 36. | 59 |
| 2008/09 | 41. | 71 |
| 2009/10 | 5. | 552 |
| 2010/11 | 4. | 697 |
| 2011/12 | 13. | 100 |
| 2012/13 | 20. | 36 |
Weblink
Commons: Melanie Faißt – Sammlig vo Multimediadateie- Melanie Faißt in dr Datebank vum Internationale Skiverband FIS (änglisch)
Fueßnote
- ↑ 1,0 1,1 Klaus Vestewig: Skispringerin Melanie Faißt aus Baiersbronn hat WM-Ticket in der Tasche. Schwäbisches Tagblatt, 12. Jänner 2011.
- ↑ FIS Nordic World Ski Championships 2011. Oslo (NOR). Ski Jumping Ladies. Normal Hill Individual. Official Results. (PDF) Fédération Internationale de Ski, 25. Februar 2011, abgruefen am 29. Oktober 2015.
- ↑ "VIESSMANN" FIS World Cup Ski Jumping Ladies. 1st World Cup Competition. Lillehammer (NOR). Normal Hill Individual. Official Results. (PDF) Fédération Internationale de Ski, 3. Dezember 2011, abgruefen am 29. Oktober 2015.
- ↑ Johannes Bachmann: Skispringen: BZ-Serie (5): Hinterzarten: So läuft das Training für das Mixed-Springen, Badische Zeitung, 26. Juli 2012
- ↑ Melanie Faißt tritt zurück. skispringen.com, 16. Januar 2014, abgruefen am 16. Januar 2014.
- ↑ Klaus Wild: Sie haben ihr Abi in der Tasche. Südkurier, 26. Juni 2009.
- ↑ Johannes Bachmann: “Ein Profil, wie für Rießle gemacht”. Badische Zeitung, 27. Jänner 2010.
- ↑ Melanie Haack: Melanie Faißt – erst WM-Medaille, dann Olympia, Welt, 24. Februar 2011
- ↑ Skispringerin Faißt: „Meinen Platz habe ich sicher“, Pressemitteilung der Eurosport GmbH, 17. Dezember 2013
- ↑ Christian Lenk: Aus Vorzeigespringerin wird Torhüter-Schreck, Schwarzwälder Bote, 4. Jänner 2018
|
Dä Artikel basiert uff ere fräie Übersetzig vu dere Version vum Artikel „Melanie_Faißt“ vu de dütsche Wikipedia. E Liste vu de Autore un Versione isch do z finde. |