Sprachfamilie: Unterschid zwische dr Versione

{{Titel|DISPLAYTITLE:Schprachfamilie}}

E Schprachfamilie isch e Gruppe vo [[Genetische Verwandtschaft in der (Linguistik)|genetisch]] verwandte, das heisst vonere gmeinsame Vorgängerschprach ([[Protosprache|Protoschprach]], [[Ursprache|Uurschprach]], [[Gemeinsprache|Gmeinschprach]], Grundschprach) abschtammende Schprache. Bi mänge Schprachfamilie lönd sich die Uurschprache dur syschtematischi Vergliich vo de Einzelschprache bis zumene gwüsse Graad rekonschtruiere. Letschtlich isch es s Ziil vo dr [[Vergleichende Sprachwissenschaft|Vergliichende Schprachwüsseschaft]], zu ''jedere'' Schprachfamilie d Protoschprach z erschlüüsse.

Einzelni Forscher akzeptiered e genetischi Einheit (Schprachfamilie) nur dänn, wänn zwüsched ihre Mitglieder regelmässigi Luutentschprechige naazwiise sind (z. B. di bekannte Luutverschiebige vom [[Indogermanische Sprachen|Indogermanische]] zu de [[Germanische Sprachen|germanische Schprache]]). Anderi Forscher (z. B. de [[Joseph Greenberg|J. Greenberg]]) definiered Schprachfamilie vor allem dur umfassendi lexikalischi Vergliich, zu dene möglichscht viili Schprache vomene Gebiet oder sogar Kontinent heräzoge werded. Es hät geeh und git immer wieder Versuech, di einzelne etablierte Schprachfamilie weiter zu grössere Einheite, de sogenannte [[Makrofamilien|Makrofamilie]] zämezfasse (z. B. [[Nostratisch]], [[Eurasiatische Sprachen|Eurasiatisch]], [[Dene-Kaukasisch]]). Die Versuech sind aber bisher i keim Fall so überzüügend, dass sie vonere Mehrheit vo de Forscher anerkännt worde wäred.

Di genetischi Klassifikation (also Iiteilig vo de Schprache nach ihrer Abschtammig) isch klar vo dr [[Sprachtypologie|typologische]] Klassifikation nach schtrukturelle Merkmale (z. B. [[Flexion]], [[Agglutination]], [[Ergativsprache|Ergativität]], [[Vokalharmonie]] u. a.) z underscheide. E geographischi Iiteilig vo Schprache chann zur Fechstschtellig vo [[Sprachbund|Sprachbünde]] füehre, d Ähnlichkeite vo de Schprache vomene Schprachbund erchläred sich dur langfrischtige kulturelle Kontakt vo ihrne Schprecher, aber nöd us dr gmeinsame Abschtammig vo ihrne Schprache. (So sind di [[Altaische Sprachen|altaische]] Schprache offesichtlich en Schprachbund, wo di [[Turksprachen|turkischi]], [[Mongolische Sprachen|mongolischi]] und [[Tungusische Sprachen|tungusischi]] Schprachfamilie, viellicht au no [[Koreanische Sprache|Koreanisch]] und [[Japanische Sprache|Japanisch]] umfasst.)

* [https://web.archive.org/web/20060718063728/http://www.weikopf.de/Sprache/sprache.html Otto Weikopf, Die Welt der Sprachen - Die Sprachen der Welt]

{{Übersetzungshinweis-xx|de|Sprachfamilie|dütsch}}