N3 (Suid-Afrika)
| ||||
|---|---|---|---|---|
.svg) | ||||
| Roete-inligting | ||||
| Onderhou deur SANRAL, N3TC en eThekwini | ||||
| Lengte | 578 km (359 mi) | |||
| Belangrike aansluitings | ||||
| Suidoospunt | Pinestraat/Commercialweg in Durban | |||
 N2 in Durban N11 naby Ladysmith N5 by Harrismith N17 by Alberton N12 by Alberton N12 by Bedfordview | ||||
| Noordwespunt |  N1 naby Sandton | |||
| Ligging | ||||
| Stede | Durban Pietermaritzburg Germiston Johannesburg | |||
| Dorpe | Estcourt Ladysmith Harrismith Heidelberg | |||
| Snelwegstelsel | ||||
Genommerde roetes in Suid-Afrika
| ||||
Die N3 is een van die nasionale paaie in Suid-Afrika. Die pad verbind Durban, KwaZulu-Natal met Johannesburg, Gauteng, via die Vrystaat. Die hele pad van Durban na Johannesburg is ’n snelweg van 4 bane (of meer) waar net by die tolhekke en vulstasies stilgehou mag word. [1]
KwaZulu-Natal
[wysig | wysig bron]Die N3 begin in Durban se middestad waar Monty Naickerweg die N3 word. Die pad hou dan wes en kruis die N2 nasionale pad by die EB Cloete-wissellaar. Hiervandaan gaan die pad verby Pinetown, dan deur die Mariannhill-tolhek, verby Camperdown na Pietermaritzburg. Die Comrades-maratonroete kruis die snelweg ’n paar keer. Die snelweg gaan tussen Howick en die Midmardam deur, deur die Mooirivier-tolhek en hou aan tot by die Estcourtafrit. Net hierna is die Wagendriftdam te sien aan die linkerkant. Die snelweg hou noordwes, kruis die Tugelarivier, gaan deur die Tugela-tolhek en verby die een punt van die N11 nasionale pad wat ook die afrit na Ladysmith is. Na ’n verdere 20 km word die Drakensberg bestyg via die Van Reenenspas en word deur die dorpie Van Reenen gery. Nou word die Vrystaat binnegegaan.
Vrystaat
[wysig | wysig bron]Na 11 km word by Swinburne verby gery en die Wilgerivier word in die proses oorgesteek. Twintig kilometer verder gaan die N3 deur Harrismith waar die N5 afdraai. Na ’n verdere 51 km gaan die pad verby Warden, deur die Wilge-tolhek en dan reguit noordwes tot by Villiers. Hier word die Vaalrivier gekruis en sowat 20 km verder word daar verby die Grootvleikragstasie (aan die regterkant) gery. Na ’n verdere 20 km word Gauteng binne gegaan.
Gauteng
[wysig | wysig bron]Twintig kilometer later gaan die N3 eers deur die De Hoek-tolhek, verby Heidelberg en hou vir nog 40 km noordwes aan tot by Alberton. Hier kruis die N3 die N17 nasionale pad en net daarna sluit die N12 by die N3 aan. Die N3 hou noord, gaan deur die Geldenhuyswisselaar, deur die Gillooly’s-wissellaar tot by die Sandton/Buccleuch-wissellaar waar dit by die N1 aansluit en ook hier eindig.[2][3]
Tolhekke
[wysig | wysig bron]Daar is vyf tolhekke op die hele N3-roete. Die toltariewe word elke jaar hersien. Vanaf 1 Maart 2020 in die rigting Durban na Johannesburg is die tolfooi vir Klas 1-voertuie (ligte motors) en Klas 4-voertuie (vragwaens met 5 of meer asse)
- Mariannhill Plaza – R12,50 / R43,00
- Mooirivier Plaza – R53,00 / R247,00
- Tugela Plaza – R76,00 / R273,00
- Wilge Plaza – R71,00 / R231,00 (by Villiers)
- De Hoek Plaza – R51,00 / R175,00 (by Heidelberg)
Totale tolkoste vir ’n motor is dus R263,50 en vir ’n swaar vragmotor R969,00 (vir een rigting).[4]
Sien ook
[wysig | wysig bron]Verwysings
[wysig | wysig bron]- ↑ (en) Falkner, John (Mei 2012). Suid-Afrikaanse genommerde roetebeskrywing en bestemmingsontleding (Report). Nasionale Departement van Vervoer. Archived from the original on 6 Junie 2014. https://web.archive.org/web/20140606100245/http://www.transport.gov.za/LinkClick.aspx?fileticket=5qOHvOI4KuY%3d. Besoek op 1 September 2014.
- ↑ Op Pad in Suid-Afrika. B.P.J. Erasmus. 1995 ISBN 1-86842-026-4
- ↑ Mapstudio Street Guide. 2003 ISBN 1-86809-652-1
- ↑ SANRAL Toll Tariffs 2020 (PDF) (1 Maart 2020).
Eksterne skakels
[wysig | wysig bron]
Wikimedia Commons het meer media in die kategorie N3 (Suid-Afrika).- Suid-Afrikaanse Nasionale Padagentskap
- Shell Inligtingsblad
