433 Eros
(433) Eros is die naasgrootste van al die asteroïdes wat, in hul wentelbane om die son, betreklik naby aan die Aarde verbyskuur. Die grootste van hierdie buurliggaampies in ons nabye buiteruimte is 1036 Ganymed. Eros is ongewoon langwerpig met afmetings van 34.4 × 11.2 × 11.2 kilometer. Die asteroïde het 'n sterk elliptiese baan met 'n gemiddelde afstand van 218 miljoen km vanaf die Son. Dit is vir die eerste keer op 13 Augustus 1898 deur twee sterrekundiges vanuit Berlyn en Nice waargeneem. Hierdie waarnemings is onafhanklik van mekaar gedoen.
In 2001 het die ruimtetuig NEAR Shoemaker die asteroïde besoek. Op 12 Februarie van dieselfde jaar word dit die eerste ruimtetuig wat op 'n asteroïde land, nadat dit 'n jaar lank foto's van Eros geneem het.
Eksterne skakels
[wysig | wysig bron]- 433 Eros by die JPL Small-Body Database
- 433 Eros by Solar System Exploration
Wikimedia Commons het meer media in die kategorie 433 Eros.
Normdata  |
|
|---|