Karl Benz
Karl Benz | |
---|---|
![]() Karl Friedrich Benz | |
Gebore | Karl Friedrich Michael Vaillant 25 November 1844 |
Sterf | 4 April 1929 |
Nasionaliteit | Duitsland |
Beroep | Uitvinder, tegnikus |
Bekend vir | Ontwikkel petrolaangedrewe motor |
Eggenoot | Bertha Benz |
Kinders | 5, Eugen, Richard, Clara, Ellen, Thilde |
Ouer(s) | Johann George Benz (vader) Josephine Vaillant (moeder) |
Handtekening | |
![]() |
Karl Friedrich Benz, gebore as Karl Friedrich Michael Vaillant (Karlsruhe, 25 November 1844 – Ladenburg, 4 April 1929) was 'n Duitse uitvinder, ingenieur en tegnikus. Hy het die eerste petrolaangedrewe motor in 1885 gebou. Sy fabriek het later met dié van Gottlieb Daimler saamgesmelt, wat tot die totstandkoming van die Mercedes-Benz-motormaatskappy gelei het.[1]
Geskiedenis
[wysig | wysig bron]Benz stig die maatskappy Benz & Co. in 1883 in Mannheim om industriële masjiene te vervaardig. Hy het verskeie tweeslagenjins by die maatskappy ontwikkel. Hy het ook aan 'n motorwa met 'n vierslagmotor gewerk. Die motorwa het 'n waterverkoelde enjin op 'n driewielbasis met één silinder gehad. Die motor ry vir die eerste keer in 1885. Op 29 Januarie 1886 doen Benz aansoek om 'n patent vir die eerste suksesvolle petrolaangedrewe motor. Op 3 Julie 1886 onderneem hy 'n proefrit met sy eerste motor deur Mannheim.
![](http://upload.wikimedia.org/wikipedia/commons/thumb/2/28/Benz_auto.jpg/220px-Benz_auto.jpg)
Sy vrou, Bertha Benz sou in 1888 die eerste langafstandrit met 'n motor onderneem, toe sy van Mannheim na Pforzheim bestuur het.
Verwysings
[wysig | wysig bron]- ↑ HAT Taal-en-feitegids, Pearson, Desember 2013, ISBN 978-1-77578-243-8
Eksterne skakels
[wysig | wysig bron]- Daimler en Benz Stigting
- Automuseum Dr. Carl Benz, Ladenburg
Wikimedia Commons het meer media in die kategorie Karl Benz.