Gatsjina-paleis

Die Groot Gatsjina-paleis (Russies: Большой Гатчинский дворец) is in 1766–1781 in Gatsjina naby Sint Petersburg gebou deur die argitek Antonio Rinaldi vir graaf Grigori Grigorjewitsj Orlof, ’n minnaar van keiserin Katharina die Grote. Die paleis is op ’n heuwel bo die Serebrjannoje-meer geleë. Dit is ’n mengsel van ’n Middeleeuse kasteel en ’n landelike woning.

Keiserin Katharina het so van die paleis gehou dat sy dit ná Orlof se dood by sy erfgename gekoop en aan haar seun, groothertog Paul geskenk het.