Gaan na inhoud

Thomas Selfridge

in Wikipedia, die vrye ensiklopedie
Thomas Selfridge
Gebore
Thomas Etholen Selfridge

8 Februarie 1882
San Francisco, Kalifornië
Sterf17 September 1908 (op 26)
Fort Myer, Virginia
NasionaliteitVerenigde State
BeroepOffisier en lugvaartpionier
Bekend virEerste vliegongeluk slagoffer

Thomas Etholen Selfridge (8 Februarie 1882, Kalifornië - 17 September 1908, Fort Myer, Virginia) was 'n eerste luitenant van die Amerikaanse weermag en die eerste persoon wat gesterf het in 'n ongeluk met 'n kragaangedrewe vliegtuig.[1]

Lewensloop

[wysig | wysig bron]

Selfridge het in 1903 aan die West Point Militêre Akademie gegradueer.[2] Na sy aanstelling as offisier is hy aan die Lugvaartafdeling, van die VSA Seinkorps by Fort Myer, Virginia. Daar was hy een van drie vlieëniers wat opgelei is vir die lugskip Dirigible Number One, wat in 1908 van Thomas Scott Baldwin gekoop is. Hy was ook die Amerikaanse regeringsverteenwoordiger in die Aerial Experiment Association, onder voorsitterskap van Alexander Graham Bell, en het die eerste sekretaris daarvan geword.

Selfridge het sy nooiensvlug op 6 Desember 1907 gemaak met 'n tetraëder-vlieër, Alexander Graham Bell se Cygnet, gemaak van 3 393 gevleuelde selle. Dit het hom tot 'n hoogte van 51 meter bo die Bras d'Or-meer in Nova Scotia, Kanada geneem met 'n vlugtyd van 7 minute. Dit was die eerste aangetekende vlug in Kanada wat 'n passasier swaarder as die vliegtuig self vervoer het.[3] Hy het ook 'n vlieër gevlieg wat deur die Kanadese ingenieur Frederick W. Baldwin gebou is op 'n hoogte van 3 voet en 'n afstand van 100 voet.

Selfridge het die Red Wing ontwerp, die Aerial Experiment Association se eerste aangedrewe vliegtuig. Op 12 Maart 1908 het die Red Wing, wat deur Frederick W. Baldwin gevlieg is, oor die bevrore Keuka-meer naby Hammondsport, New York op hardlopers beweeg, en eintlik 'n afstand van 97,2 meter gevlieg voordat dit neergestort het.[4] Die Red Wing is vernietig in 'n ongeluk tydens sy tweede vlug op 17 Maart 1908, waarna slegs die enjin gered kon word.

Op 19 Mei 1908 het Selfridge die eerste Amerikaanse militêre offisier geword om 'n moderne vliegtuig te loods, toe hy solo in AEA se nuutste tuig, White Wing, gevlieg het, wat 100 voet gestyg het met sy eerste poging en 200 voet op sy tweede.[5]Tussen 19 Mei en 3 Augustus het hy verskeie vlugte by Hammondsport gemaak, wat op 'n vlug van 1 minuut en 30 sekondes op 'n hoogte van 75 voet uitgeloop het. Die volgende dag het sy laaste solovlug van 50 sekondes 'n afstand van 800 meter afgelê. Alhoewel nie ten volle opgelei as 'n vlieënier nie, was Selfridge nietemin die eerste Amerikaanse militêre offisier wat enige vliegtuig sonder begeleiding gevlieg het.[6]

In Augustus 1908 is Selfridge en luitenante Frank P. Lahm en Benjamin Foulois opdrag gegee om 'n stuurbare lugskip te vlieg wat deur die Amerikaanse weermag gekoop is. Hierdie lugskip was geskeduleer om te vlieg na 'n uitstalling by die Missouri State Fair, in St. Joseph, Missouri, geloods deur Foulois en Selfridge. Die weermag het egter op 'n proefbasis besluit om ook 'n vliegtuig by die Wright-broers te koop en het 'n paar toetse daarvoor beplan voordat dit gekoop is. Selfridge was baie geïnteresseerd in die vliegtuig en is genooi om die toetse by te woon en het na Fort Myer, Virginia, gereis.

Noodlottige ongeluk

[wysig | wysig bron]
Wrak van die Wright Flyer wat die lewe van Tom Selfridge geneem het

Toe Orville Wright na Fort Myer gekom het om sy Wright Flyer vir die Amerikaanse weermag te demonstreer, kon Selfridge reël om as passasier op die Orville-vliegtuig te vlieg. Op 17 September 1908 het die Wright Flyer 4½ keer om Fort Myer gesirkel op 'n hoogte van 46 meter. Halfpad deur die vyfde rondte het die regter skroef gebreek weens vibrasie wat met die vliegtuigraamwerk se gaas verstrengel was. Die dryfkrag het as gevolg daarvan verlore gegaan en die masjien het met sy neus in 'n afwaartse duik beland. Orville het die enjin afgeskakel en die vliegtuig op sowat 75 voet gekry om te sweef, maar dit het tog uiteindelik met neus eerste in die grond gebots.[7]

Toe die vliegtuig die grond tref, is Selfridge en Wright teen die oorblywende draad gedruk. Selfridge het ook teen die houtraamwerk gebots en sy skedel gekraak. Hy het neurochirurgie by die basishospitaal ondergaan, maar is dieselfde nag dood sonder om sy bewussyn te herwin. Hy was toe 26 jaar oud. Orville Wright het 'n aantal ernstige beserings opgedoen, insluitend 'n gebreekte linkerbobeen, verskeie gebreekte ribbes en 'n beskadigde heup, en is vir sewe weke in die hospitaal opgeneem.

Thomas Selfridge is in die Arlington Nasionale Begraafplaas, Seksie 3, Lot 2158, Grid QR-13/14, begrawe.[8]

Verwysings

[wysig | wysig bron]
  1. ↑ "FATAL FALL OF WRIGHT AIRSHIP; Lieut. Selfridge Killed and Orville Wright Hurt by Breaking of Propeller. MACHINE A TOTAL WRECK Increased Length of New Blade and Added Weight of a Passenger Probable Causes. CAVALRY RIDE DOWN CROWD Rumor That the Machine Had Been Tampered with Denied by Army Officers -- Not Well Guarded" (PDF). The New York Times. 18 September 1908. Besoek op 17 Oktober 2010. Na die val van 'n hoogte van 75 voet, is Orville Wright en Luit. Thomas E. Selfridge van die Seinkorps kort na 5 uur vanmiddag in die wrak van Wright se vliegtuig uitgehaal. Die jong weermagoffisier is vanaand 8:10 uur dood. Wright is erg beseer, hoewel hy waarskynlik sal herstel.
  2. ↑ Lt. Thomas E. Selfridge
  3. ↑ "The “Silver Dart” Legacy: Alexander Graham Bell’s Flying Machines of the Future~ A Chronology." Alexander Graham Bell National Historic Site of Canada, 2012. Besoek op 17 Mei 2012.
  4. ↑ House, Kirk W., Hell-Rider to King of the Air: Glenn Curtiss's Life on Innovation (SAE International, 2003), bl. 74-76.
  5. ↑ "Thomas Etholen Selfridge". www.af.mil. Geargiveer vanaf die oorspronklike op 17 Julie 2012. Besoek op 13 Desember 2014.
  6. ↑ "Air Corps News Letter" (PDF). XXI (1). Office of the Chief of the Air Corps, War Dept., Washington. 1 Januarie 1938. Geargiveer vanaf die oorspronklike (PDF) op 3 September 2015. {{cite journal}}: Cite journal requires |journal= (hulp)
  7. ↑ "Wilbur Wright Weeps. Aviator's Brother Grieved by Fatal Accident. Deplores Officer's Death. First Thought Is Safety of Passengers, He Says, When News of Orville's Mishap at Fort Myer Reaches Him in France. Countermands Orders for Flights, to Regret of Waiting Crowd". Washington Post. 19 September 1908. Besoek op 5 Junie 2018. Le Mans, Frankryk, 18 September 1908. Wilbur Wright, broer van Orville Wright, en wat al vir 'n paar weke 'n reeks eksperimente hier met 'n Wright-vliegtuig uitvoer, was baie ontsteld toe hy vanoggend die nuus uit Washington gehoor het dat sy broer 'n ongeluk gehad het, waarin luitenant Thomas Selfridge sy lewe verloor het.
  8. ↑ "The First Fatal Plane Crash… At Fort Myer, Virginia, September 17th, 1908". Check-Six.com. 22 November 2014.

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Thomas_Selfridge&oldid=2474360"