Kampioenetrofee

	Kampioenetrofee
	Kampioenetrofee 2025
Sportsoort	EDI-krieket
Gestig	1998
Eienaar	Internasionale Krieketraad
Inwydingseisoen	Kampioenetrofee 1998
Deelnemende lande	wêreldwyd
Aantal spanne	13 (alle toernooie); 8 (vanaf 2024)
Mees onlangse kampioen	Pakistan (2017)
Verwante kompetisies	Krieketwêreldbeker, o/19-krieketwêreldbeker, T20I-wêreldbeker, Wêreldtoetskampioenskap

Die Kampioenetrofee (Engels: ICC Champions Trophy) is ’n internasionale krieketkompetisie wat al om die vier jaar gehou word om die EDI-krieketkampioen te bepaal. Dié toernooi is die derde belangrikste en derde bekendste in internasionale krieket net ná die Krieketwêreldbeker in EDIs en die T20I-wêreldbeker in T20Is en word deur die Internasionale Krieketraad georganiseer.

Tot op hede is agt toernooie beslis met Australië en Indië wat dié toernooi twee keer gewen het. Die eerste Kampioenetrofee 1998 in Bangladesj is deur Suid-Afrika gewen, nadat hulle Wes-Indië in die eindstryd op die Bangabandhu Nasionale Stadion in Dhaka verslaan het. Die Kampioenetrofee 2000 in Kenia is deur Nieu-Seeland gewen wat Indië in die eindstryd op die Gymkhana Klubveld in Nairobi geklop het. Tydens die Kampioenetrofee 2002 in Sri Lanka het die gasheer die titel met Indië gedeel, nadat die eindstryd twee keer uitgereën het. Tydens die Kampioenetrofee 2004 in Engeland het Wes-Indië met die trofee weggestap nadat hulle die gasheer in die eindstryd verslaan het.

Die Kampioenetrofee 2006 in Indië is deur Australië gewen, nadat hulle die verdedigende kampioen Wes-Indië verslaan het. Die Kampioenetrofee 2009 in Suid-Afrika is deur die verdedigende kampioen Australië gewen, nadat hulle Nieu-Seeland verslaan en sodoende die eerste span geword het om hul titel suksesvol te verdedig. Die Kampioenetrofee 2013 in Engeland en Wallis is deur Indië gewen, nadat hulle die gasheer verslaan en sodoende die tweede span geword het om dié toernooi twee keer te wen. Pakistan is die huidige kampioen, nadat hulle in die Kampioenetrofee 2017 se eindstryd hul aartsvyand Indië verslaan en hul eerste Kampioenetrofeetitel ingepalm het.

Uitslae

Jaar	Gasheerland(e)	Eindstrydplek	Eindstryd
Jaar	Gasheerland(e)	Eindstrydplek	Wenner	Uitslag	Naaswenner	Deelnemende lande
1998 Oorsig	Bangladesj	Bangabandhu Nasionale Stadion, Dhaka, Bangladesj	Suid-Afrika 248/6 (47 boulbeurte)	Suid-Afrika wen met vier paaltjies Telkaart	Wes-Indië 245 almal uit (49.3 boulbeurte)	9
2000 Oorsig	Kenia	Gymkhana Klubveld, Nairobi, Kenia	Nieu-Seeland 265/6 (49.4 boulbeurte)	Nieu-Seeland wen met vier paaltjies Telkaart	Indië 264/6 (50 boulbeurte)	11
2002 Oorsig	Sri Lanka	R. Premadasa Stadium, Colombo, Sri Lanka	Sri Lanka 244/5 (50 boulbeurte) & 222/7 (50 boulbeurte) Indië 14/0 (2 boulbeurte) & 38/1 (8.4 boulbeurte)	Indië en Sri Lanka is as medekampioene verklaar Telkaart & Telkaart	Geen/Medekampioene	12
2004 Oorsig	Engeland	The Oval, Londen, Verenigde Koninkryk	Wes-Indië 218/8 (48.5 boulbeurte)	Wes-Indië wen met twee paaltjies Telkaart	Engeland 217 almal uit (49.4 boulbeurte)	12
2006 Oorsig	Indië	Brabourne-stadion, Mumbai, Indië	Australië 116/2 (28.1 boulbeurte)	Australië wen met agt paaltjies (D/L-metode) Telkaart	Wes-Indië 138 almal uit (30.4 boulbeurte)	10
2009 Oorsig	Suid-Afrika	SuperSport-park, Centurion, Suid-Afrika	Australië 206/4 (45.2 boulbeurte)	Australië wen met ses paaltjies Telkaart	Nieu-Seeland 200/9 (50 boulbeurte)	8
2013 Oorsig	Engeland Wallis	Edgbaston-krieketveld, Birmingham, Verenigde Koninkryk	Indië 129/7 (20 boulbeurte)	Indië wen met vyf lopies Telkaart	Engeland 124/8 (20 boulbeurte)	8
2017 Oorsig	Engeland Wallis	The Oval, Londen, Verenigde Koninkryk	Pakistan 338/4 (50 boulbeurte)	Pakistan wen met 180 lopies Telkaart	Indië 158 almal uit (30.3 boulbeurte)	8
2025 Oorsig	Pakistan					8
2029 Oorsig	Indië					8

Statistiek

Verklaring
1ste	Wenner
2de	Naaswenner
3de/4de	Semifinaliste
K	Kwalifiseer vir volgende toernooi

Span	1998	2000	2002	2004	2006	2009	2013	2017	2025	2029	Deelnames
Australië	8ste	5de	4de	3de	1ste	1ste	7de	7de			8
Bangladesj		9de	11de	11de	9de			4de			5
Engeland	5de	7de	6de	2de	7de	4de	2de	3de			8
Indië	3de	2de	1ste*	7de	5de	5de	1ste	2de		K	8
Kenia		10de	10de	10de							3
Nederland			12de								1
Nieu-Seeland	7de	1ste	8ste	5de	3de	2de	5de	8ste			8
Pakistan	6de	3de	5de	4de	8ste	3de	8ste	1ste	K		8
Suid-Afrika	1ste	4de	3de	6de	4de	7de	4de	5de			8
Sri Lanka	4de	6de	1ste*	8ste	6de	6de	3de	6de			8
Verenigde State				12de							1
Wes-Indië	2de	11de	7de	1ste	2de	8ste	6de				7
Zimbabwe	9de	8ste	9de	9de	10de						5

Eerste deelnames

Jaar	Spanne
1998	Australië, Engeland, Indië, Nieu-Seeland, Pakistan, Sri Lanka, Suid-Afrika, Wes-Indië en Zimbabwe
2000	Bangladesj en Kenia
2002	Nederland
2004	Verenigde State
2006	geen
2009	geen
2013	geen
2017	geen
2025	N.v.t.
2029	N.v.t.

Sien ook

Krieketwêreldbeker, vir EDI-krieket
o/19-krieketwêreldbeker, vir juniorspelers
T20I-wêreldbeker, vir T20I-krieket
Wêreldtoetskampioenskap, vir toetskrieket

Verwysings

↑ (en) Nagraj Gollapudi (1 Junie 2021). "ICC expands men's world events: ODI WC to 14 teams, T20 WC to 20 teams". ESPNcricinfo. Besoek op 12 Desember 2022.

Eksterne skakels

(en) Die IKR se amptelike webwerf

	Kampioenetrofee
Bangladesj 1998 • Kenia 2000 • Sri Lanka 2002 • Engeland 2004 • Indië 2006 • Suid-Afrika 2009 • Engeland / Wallis 2013 • Engeland / Wallis 2017 • Pakistan 2025 • Indië 2029

[1] (en) Nagraj Gollapudi (1 Junie 2021). "ICC expands men's world events: ODI WC to 14 teams, T20 WC to 20 teams". ESPNcricinfo. Besoek op 12 Desember 2022.

[1]