Dewetshof
Dewetshof | |
---|---|
Koördinate: 26°11′S 28°06′O / 26.183°S 28.100°O | |
Land | ![]() |
Provinsie | Gauteng |
Munisipaliteit | Stad Johannesburg |
Hoofplek | Johannesburg |
Oppervlak | |
• Totaal | 1,37 km2 (0,53 vk. myl) |
Bevolking (2011)[1] | |
• Totaal | 1 425 |
• Digtheid | 1 040/km2 (2 700/vk. myl) |
Rasverdeling (2011) | |
• Wit mense | 38,4% |
• Indiërs/Asiërs | 10,6% |
• Bruin mense | 13,4% |
• Swart mense | 36,6% |
• Ander | 1,1% |
Taal (2011) | |
• Engels | 59,4% |
• Afrikaans | 14,2% |
• Zoeloe | 6,0% |
• Xhosa | 3,5% |
• Ander | 16,9% |
Dewetshof is ’n residensiële voorstad van Johannesburg.
Dit is sowat 5,5 km noordoos van die stadsaal tussen Observatory en Cyrildene geleë, noord van Observatoryheuwel. In die suidweste grens dit aan Bezuidenhoutsvallei, in die suide aan Kensington en in die suidooste aan Bruma. In November 2017 is op die eiendomswebtuiste property24.com 23 wonings in Dewetshof te koop aangebied, waarvan 15 teen bo R2 miljoen. Die duurste was R3,85 miljoen en die goedkoopste R1,39 miljoen.[2]
Geskiedenis
Dewetshof is genoem na hoofregter Nicolaas de Wet. Dit is deur die Johannesburgse stadsraad op die plaas Doornfontein No. 24 aangelê en op 1 Desember 1954 geproklameer. Uitbreiding 1 lê suid van Cyrildene, oos van Bezuidenhoutsvallei en noord van Kensington, sowat 6 km oos van die stadsaal. Die strate is genoem na bekende mense en skepe uit die vroeë geskiedenis van Suid-Afrika, soos Dias, Tulbagh, De Mist, Da Gama, Woltemade en Adam Tas.
Demografie
Volgens die sensus van 2011 was Dewetshof se inwonertal destyds 1 425, van wie 547 wit was, 521 swart, 191 bruin en 151 Indies of Asies. Vyftien het hulself as “ander” geklassifiseer. Engels was die grootste huistaal (739) en Afrikaans die naasgrootste (177).[3]
Verwysings
- ↑ 1,0 1,1 1,2 1,3 "Subplek Dewetshof". Sensus 2011.
- ↑ (en) Eiendom te koop in Dewetshof. URL besoek op 8 November 2017.
- ↑ (en) Die sensussyfers soos uiteengesit deur Adrian Frith. URL besoek op 8 November 2017.