BMW R1100GS
 Rooi en wit BMW R1100GS met panniere (sykissies) | |
| Oorsig | |
|---|---|
| Vervaardiger | BMW Motorrad, Berlyn |
| Produksie | 1994-1999 |
| Bakwerk en onderstel | |
| Klas | Sportiewe toermotorfiets |
| Spesifikasies | |
| Enjin(s) | Lug-en-olieverkoelde plattweeling (bokser) |
Die BMW R1100GS is 'n dubbelsportmotorfiets wat bekendgestel is in 1993, en vervaardig is vanaf 1994 tot 1999 deur BMW Motorrad in Berlyn, Duitsland.[1]
Die fiets het 'n 1085 cc plattweeling (bokser) enjin, die eerste keer gesien in die R1100RS wat van stapel gestuur is in 1992, en was die eerste lid van die GS familie wat 'n lug-en-olieverkoelde enjin gebruik het, eerder as die vroeëre lugverkoelde enjins wat gebruik is op BMW motorfietse sedert die R32 in 1923.
'n Kleiner kapasiteit sustermodel, die 848 cc R850GS, is van hierdie model afgelei van 1996 tot 2001.
In 1999 is die R1100GS vervang deur die R1150GS.
Vorige BMW motorfietse gebruik die lugkop-enjins soos die tipe 247 lugverkoelde plattweeling met twee stootstang-geaktiveerde kleppe per silinder. Die R1100GS enjin is bekendgestel met gedeeltelike olieverkoeling en vier kleppe per silinder wat gereël word deur 'n enkele kettinggedrewe nokas. Motronic brandstofinspuiting is ingesluit in plaas van die vergassers op vroëre fietse gevind. Die agtervering en dryfas gebruik dieselfde Paralever swaai-armstelsel as die vorige fietse, maar met die toevoeging van afstandverstelbare voorvragaanpassing op die skokbreker.[2] Die voorvering gebruik 'n nuwe A-armstelsel genaamd Telelever.[3] Opsies het ingesluit verhitte stuurhandvatsels en 'n sluitweer-remstelsel (ABS).
Verwysings
- ↑ Schneider & Koenigsbeck, pp. 64
- ↑ Field, Greg (2003). Motorcyclist BMW Files: Selected Road Tests. MotorBooks/MBI Publishing Company. p. 177. ISBN 978-0-7603-1695-5. Geargiveer vanaf die oorspronklike op 26 Maart 2020. Besoek op 25 Januarie 2017.
- ↑ Schneider & Koenigsbeck, pp.67
| Hierdie artikel is in sy geheel of gedeeltelik vanuit die Engelse Wikipedia vertaal. |
