Suzaan Heyns
Suzaan Heyns (* 7 Julie 1981 in Johannesburg) is 'n Suid-Afrikaanse modeontwerper wat in 2008 die gelyknamige luukse mode-etiket in Johannesburg gevestig het.[1] Haar ontwerpe is sedertdien met 'n verskeidenheid pryse bekroon, waaronder die Anglo Gold-prys vir die "mees kreatiewe reeks" ter geleentheid van die Africa Fashion Week. Sy is deur Glamour in 2011 aangewys as Style Star vir dié tydskrif se Woman of the Year.
Suzaan Heyns het haar tersiêre opleiding tussen 2001 en 2003 by die London International School of Fashion in Johannesburg ontvang waar sy 'n diploma in modeontwerp behaal het. Op 28 November 2015 het Suzaan Heyns, wat ook met haar trourok-ontwerpe sukses behaal, self een gedra en getrou met Willem Kitshoff, 'n grafiese ontwerper van Johannesburg en uitvoerende kreatiewe direkteur by 'n advertensieagentskap.[2][3]
Verwysings
[wysig | wysig bron]- ↑ "Who's Who Southern Africa: Suzaan Heyns. Besoek op 18 Februarie 2018". Geargiveer vanaf die oorspronklike op 22 April 2020. Besoek op 18 Februarie 2018.
- ↑ netwerk24.com/Sarie, 22 Maart 2016: EKSKLUSIEF: Ontwerper Suzaan Heyns se eie trourok. Besoek op 19 Februarie 2018
- ↑ PressReader.com/Sarie, 1 Januarie 2018: 'Vryheid dis die ding van mode'. Besoek op 19 Februarie 2018
Eksterne skakels
[wysig | wysig bron]- Amptelike webtuiste
- Suzaan Heyns Design Geargiveer 10 Februarie 2018 op Wayback Machine
- Beton- en sementmode
- Onderhoude