Verenigde Nasies
![](http://upload.wikimedia.org/wikipedia/commons/thumb/2/2f/Flag_of_the_United_Nations.svg/220px-Flag_of_the_United_Nations.svg.png)
![](http://upload.wikimedia.org/wikipedia/commons/thumb/9/91/UN_Headquarters_2.jpg/170px-UN_Headquarters_2.jpg)
![](http://upload.wikimedia.org/wikipedia/commons/thumb/5/52/Emblem_of_the_United_Nations.svg/220px-Emblem_of_the_United_Nations.svg.png)
![](http://upload.wikimedia.org/wikipedia/af/thumb/0/02/Genl_JC_Smuts.jpg/170px-Genl_JC_Smuts.jpg)
![](http://upload.wikimedia.org/wikipedia/commons/thumb/1/13/United_Nations_Members.svg/220px-United_Nations_Members.svg.png)
![](http://upload.wikimedia.org/wikipedia/commons/thumb/2/24/Vereinte_Nationen_in_Wien.jpg/220px-Vereinte_Nationen_in_Wien.jpg)
![](http://upload.wikimedia.org/wikipedia/commons/thumb/1/1a/Ban_Ki-moon_headshot.jpg/170px-Ban_Ki-moon_headshot.jpg)
![](http://upload.wikimedia.org/wikipedia/commons/thumb/c/c7/UN_building%2C_Geneva.jpg/220px-UN_building%2C_Geneva.jpg)
Die Verenigde Nasies (Arabies: الأمم المتحدة, Engels: United Nations, Frans: Organisation des Nations unies, Russies: Организация Объединённых Наций, Sjinees: 联合国, Spaans: Organización de las Naciones Unidas), of VN, is 'n internasionale organisasie wat bestaan uit 193 lande.[1] Byna alle internasionaal-erkende lande is lede. Slegs die Vatikaanstad is geen lidland nie en Palestina is 'n waarnemer.[2]
Die VN is gestig ná die Tweede Wêreldoorlog op 24 Oktober 1945 in San Francisco ná die Dumbarton Oaks Konferensie in Washington, D.C., maar die eerste Algemene Vergadering met 51 nasies verteenwoordig, is eers gehou op 10 Januarie 1946 (in Church House, Londen). Die Verenigde Nasies is die direkte opvolger van die voormalige Volkebond, wat op 18 April 1946 ontbind is. Die organisasie se hoofkantoor is in United Nations Plaza in New York Stad, Verenigde State. Die VN het Kantore in Genève, Wene en Nairobi.
Die amptelike tale is Arabies, Engels, Frans, Russies, Sjinees en Spaans, waarvan Engels en Frans werkstale is.[3] Die vyf permanente lede van die VN se Veiligheidsraad is Frankryk, Rusland (tot 21 Desember 1991 as Sowjetunie), die Verenigde Koninkryk, die Verenigde State en die Volksrepubliek van Sjina (tot 25 Oktober 1971 die Republiek van Sjina), wat haar veto uitspreek kan teen resolusies. Nie-permanente lede is tans Duitsland, Portugal, Indië, Colombia en Suid-Afrika vir 2011-2012 en Azerbeidjan Guatemala, Marokko, Pakistan en Togo vir 2012-2013.[4] Brasilië, Duitsland, Indië en Japan het as G4-lande 'n reform van die Veiligheidsraad gestimuleer, wat deur die Afrika Unie verwerp is en nie 'n regte kans het nie.[5]
Die doel van die organisasie is die fasilitering van samewerking rakende internasionale wetgewing, internasionale sekuriteit, ekonomiese ontwikkeling, sosiale vooruitgang, menseregte en internasionale reg.
Sekretarisse-generaal
Die Sekretarisse-generaal van die Verenigde Nasies was:[6]
- Ban Ki Moon (Suid-Korea) 1 Januarie 2007 - hede
- Kofi Annan (Ghana) 1 Januarie 1997 - 31 Desember 2006
- Boutros Boutros-Ghali (Egipte) 1 Januarie 1992 - 31 Desember 1996
- Javier Pérez de Cuéllar (Peru) 1 Januarie 1982 - 31 Desember 1991
- Kurt Waldheim (Oostenryk) 1 Januarie 1972 - 31 Desember 1981
- Thant (Mianmar) 3 November 1961 - 31 Desember 1971
- Dag Hammarskjöld (Swede) 10 April 1953 - 18 September 1961
- Trygve Lie (Noorweë) 2 Februarie 1946 - 10 April 1953
- Gladwyn Jebb (Verenigde Koninkryk) 24 Oktober 1945 - 29 Januarie 1946
Sien ook
- Geskiedenis van die Verenigde Nasies
- 2011 Verenigde Nasies se Klimaatberaad
- Verenigde Nasies Konferensie vir die Standardisering van Geografiese Name
Verwysings
- ↑ un.org: Member States of the United Nations (en)
- ↑ un.org: Non-member States and Entities (en)
- ↑ un.org: General Assembly of the United Nations – Rules of Procedure (en)
- ↑ un.org: Membership of the Security Council - Membership in 2012 (en)
- ↑ globalpolicy.org: Japan Says No to G4 Bid (en)
- ↑ rulers.org: United Nations (en)
Eksterne skakels
![]() |
Wikimedia Commons bevat media in verband met Verenigde Nasies. |
- Amptelike tuisblad (Arabies, Engels, Frans, Russies, Sjinees en Spaans)
Sjabloon:Link FA Sjabloon:Link FA Sjabloon:Link FA Sjabloon:Link FA Sjabloon:Link FA