Wys bron van Meryl Streep

{{Inligtingskas Akteur
| Naam                      = Meryl Streep
| Beeld                     = Meryl Streep from "Florence Foster Jenkins" at Opening Ceremony of the Tokyo International Film Festival 2016 (33644504135) (cropped).jpg
| Beeldonderskrif           = Streep in 2016
| Geboortenaam              = Mary Louise Streep
| Alias                     = 
| Geboortedatum             = [[22 Junie]] [[1949]]
| Geboorteplek              = [[Summit]], [[New Jersey|NJ]] ([[VSA]])
| Nasionaliteit             = Amerikaans
| Sterftedatum              = 
| Sterfteplek               = 
| Beroep                    = Aktrise
| Noemenswaardige rolprente = [[Death Becomes Her]], [[The Devil wears Prada]]
| Aktiewe jare              = 1966- 
| Webwerf                   = 
| imdb                      = 0000658
| Toekennings               = [[Oscar]] & Golden Globe vir [[Sophie's Choice]] en [[Kramer vs. Kramer]]
}}

'''Mary Louise "Meryl" Streep''' (gebore 22 Junie 1949) is 'n [[Amerikaanse]] [[akteur|aktrise]] betrokke by [[film]], [[teater]], en [[televisie]]. Sy word beskou as een van die voorstaande aktrises van die moderne era. Sy is alreeds 21 keer vir 'n [[Academy Award]] benoem en 31 keer vir 'n [[Golden Globe]], toekennings waarvan sy al drie en agt respektiewelik gewen het.

== Lewe ==
Streep is gebore in Summit, [[New Jersey]]. Haar ma was 'n kunstenaar en haar pa was 'n [[apteker]]. Mary Louise het 'n [[Baccalaureus Artium|B.A.-graad]] in Drama verwerf aan Vassar College en later 'n [[Magister Artium|M.A.-graad]] aan Yale se dramaskool.

Sy is getroud met die beeldhouer Donald Gummer en hulle het vier kinders. Sy was eens verloof aan akteur [[John Cazale]] maar hy is oorlede na 'n stryd met kanker.

== Loopbaan ==
Alhoewel Streep nou bekend is as 'n aktrise van die silwerdoek het haar loopbaan in die teater begin. Sy was 'n lid van Joseph Papp se New York Shakespeare Festival. Daar vertolk sy rolle in Shakespeare se toneelstukke ''Henry V'', ''Taming of the Shrew'', en ''Measure for Measure'' asook in [[Bertolt Brecht]] en Kurt Weill se ''Happy End''.

Haar filmdebuut was in [[Julia]], waarin sy 'n klein rol vertolk het saam met [[Jane Fonda]] en [[Vanessa Redgrave]]. Haar volgende filmprojekte was in ''The Deer Hunter'', ''[[Manhattan]]'', en ''Kramer vs. Kramer''. Vir laasgenoemde prent wen sy 'n [[Oscar]]-toekenning, vir haar hartroerende vertolking van 'n ma wat haar seun by sy pa agterlaat wanneer sy besluit om van hom te skei.

'n Rolprentvertolking waarvoor sy ontsettende aansien gelok het was haar vertolking van die twee vrouekarakters in ''The French Lieutenant's Woman'', 'n verwerking vir die silwerdoek van [[John Fowles]] se boek van dieselfde naam. Weens hierdie vertolking beland sy op die voorblad van TIME magazine in 1981, met 'n opskrif wat vertel: "When acting turns to alchemy".

Maar die rol wat waarskynlik haar beste werk sover vereis het is die van Sophie in ''Sophie's Choice''. Hierin speel sy 'n [[Pole|Poolse]] vrou wie die [[konsentrasiekamp]]e by [[Auschwitz-konsentrasiekamp|Auschwitz-Birkenau]] oorleef het en daarna besluit het om 'n nuwe lewe vir haarself in Brooklyn, New York te probeer skep. Vir Sophie moes Streep leer om Duits en Pools te praat, en boonop nog om Engels met 'n Poolse aksent. Die suksesvolle vertolking wen toe vir Streep haar tweede Oscar standbeeld.

Sydney Pollack het haar gekies om langs Robert Redford te verskyn in ''Out of Africa'', 'n rolprent wat handel oor die skrywer [[Isak Dinesen]] se doen en late in [[Kenia]] gedurende die tydperk rondom die [[Eerste Wêreldoorlog]]. Streep verskyn saam met [[Robert de Niro]] in ''Falling in Love'', saam met [[Jack Nicholson]] in ''[[Heartburn]]'', en saam met Sam Neill in die Australiese rolprent ''A Cry in the Dark''. Laasgenoemde is 'n ware vertelling van Lindsay Chamberlain se ongeluk toe 'n wilde [[dingo]]hond haar baba Azaria gesteel en waarskynlik doodgemaak het uit 'n tent in 'n kampterrein.

In 1990 volg die komedie ''Postcards From the Edge'', waarin Streep 'n dwelmverslaafde aktrise van tweederangse rolprente moes speel. In ''The Bridges of Madison County'' is sy die Italiaans Amerikaanse huisvrou wie in 'n blitsromans met Clint Eastwood omgaan, en in ''[[My One True Thing]]'' is sy weer 'n huisvrou, maar die keer 'n getroue vrou en ma wat stadig sterf van kanker.

Streep het in die laat negentigerjare vir 'n tyd lank nie gewerk nie, moontlik omdat sy wou rus maar moontlik ook oor sy gesukkel het om werk in Hollywood omdat sy ouer begin word het. Maar toe sy weer begin werk het, het sy haar kritici en haar bewonderaars platgeslaan met 'n reeks uitstekende rolprentkeuses. In ''[[The Hours]]'' speel Streep 'n New York vrou wie se dag en lewe die roetine van die hoofkarakter uit [[Virginia Woolf]] se roman [[Mrs Dalloway]] naboots. In ''Adaptation'' is sy 'n joernalis wat eers net orgideë navors, maar dan 'n dwelmverslaafde word en iemand vermoor. En in ''Angels in America'' lewer sy weer van haar beste werk; in hierdie meesterstuk van [[Tony Kushner]] moet Streep vier karakters skep, waarvan een selfs 'n man was.

Na hierdie besonders kreatiewe fase bereik haar grootste faam met twee komdiese rolle in ''The Devil Wears Prada'' en in ''Mamma Mia''. In Mamma Mia wys Streep haar uitsonderlike talent vir sang, 'n gawe wat sy al voorheen in enkele rolprente ten toon gestel het.

Na 'n lange afwesigheid het Streep in [[2001]] teruggekeur na die verhoog met 'n ope-lug vertoning van [[Anton Tsjechof]] se toneelstuk ''Die Seemeeu'' in New York se [[Central Park, Manhattan|Central Park]]. Sy het dit in 2006 opgevolg met 'n vertoning van Brecht se Mother Courage.

{{Los Angeles Film Critics Association-toekenning vir beste aktrise}}
{{London Film Critics Circle Award vir aktrise van die jaar}}
{{National Society of Film Critics Award vir beste aktrise}}
{{Normdata}}

{{DEFAULTSORT:Streep, Meryl}}
[[Kategorie:Amerikaanse aktrises van die 20ste eeu]]
[[Kategorie:Amerikaanse aktrises van die 21ste eeu]]
[[Kategorie:Geboortes in 1949]]
[[Kategorie:Lewende mense]]